О Цэнд- Аюуш: Намар

Сар уснаас согоо шиг тонгойж амсана 
Салхийг уулс цангасан адуу шиг залгилана
Мананг хөндий хөнжил шиг нөмөрч
Маралыг шугуй хөгжим   шиг дуугаргана 
Гол  мөрний чимээг загас тэмээлзгэнэ шиг залгиж
Гоо бүсгүйн инээд алчуур шиг хуучирна
Аниргүй тал далбаа шиг гандаж
Цахилах  зээр гал шиг дүрэлзэнэ
Сүрэглэх үүлнээс  морины нулимс шиг бороо асгарч 
Сүмийн  дээвэр дээрээс хүний нулимс шиг дусна
Тэнгэрт хийл шиг шувууд нисэлдэж
Газарт гитар шиг навчис унана
Аяа Намар...